რამდენიმე დღის წინ, პროფესორმა ზაზა სიამაშვილმა,სოციალურ ქსელში, სექსუალური შევიწროვებისსაკითხთან დაკავშირებით შემდეგი შინაარსის სტატუსი გამოაქვეყნა:
„რატომ ლაპარაკობენ სექსუალურ შევიწროვებაზეუმახინჯესი ,,ვითომ” ქალები?! შურის გამოხატვის ახალიფორმაა თუ უპერსპექტივო ცხოვრების?!
რა გეშველებათ?! შევიწროვება კი არა, გაგყრიდით ამქვეყნიდან! მერამდენე დღეა ვუყურებ და ერთი,,შესავიწროვებელი” ვერ დავლანდე… ზოოპარკისძუძუმწოვარიც კი არ გაეკარება თქვენს მკერდს… არც ეგგაქვთ! უკაცრავად, ჩემს სტუდენტებთან, უხამსობას ვერ ავცდი!“
როგორც რამდენიმე წუთის წინ, ,,ჯორჯიან თაიმსისთვის“ ექსკლუზიურად გახდა ცნობილი, აღნიშნული ფეისბუქის სტატუსის გამო, ზაზა სიამაშვილი სამსახურიდან გაათავისუფლეს. ამის შესახებ სიამაშვილმა ჩვენთან საუბარში განაცხადა:
,,ფეისბუქის სტატუსის გამო, ჯიპას“ ხელმძღვანელობამ გადაწყვიტა, რომ სამსახურიდან გავეთავისუფლებინე. მინდა გითხრათ, რომ ამ სასწავლებელში მე შტატიანი თანამშრომელი არც ვყოფილვარ, – 2012 წლიდან მიწვეული ლექტორი გახლდით. ამას იმიტომ აღვნიშნავ, რომ ის არგუმენტები, რაც დღეს კომისიის წევრების მხრიდან გამჟღავნდა, უსუსური იყო. თურმე, 6-7 წლის განმავლობაში არ იცოდნენ ჩემი ღირებულებების შესახებ…
დღეს გამოვიდა ,,ჯიპას“ რექტორის მდივანი, – ლიკა კაკაბაძე და მითხრა, რომ კომისიამ, – ხუთი კაცი-ერთის წინააღმდეგ, მიიღო გადაწყვეტილება ჩემთან კონტრაქტის შეწვეტის თაობაზე.
რა კომენტარი შეიძლება გავაკეთო ამაზე? იმედი მაქვს, რომ კიდევ გამოიძებნება ჩემთვის სხვაგან, სხვა სამუშაო ადგილი.“ – განაცხადა ზაზა სიამაშვილმა ,,ჯორჯიან თაიმსთან“ საუბარში.