შინაგან საქმეთა სამინისტრო თბილისი კლუბებში ჩატარებულ სპეცოპერაციაზე განმარტებებს დღეს დღის განმავლობაში გააკეთებს.
ძალოვანი უწყების ინფორმაციით, სამინისტრო 3 თვის განმავლობაში აწარმოებდა ინტენსიურ ოპერატიულ-სამძებრო და საგამოძიებო მოქმედებებს თბილისში მდებარე კლუბებში – ბასიანსა და გალერიში, ნარკოტიკული საშუალებების გასაღების ფაქტების გამოსავლენად.
2018 წლის 12 მაისს ამ კლუბებში სასამართლოს განჩინების საფუძველზე ჩატარდა შესაბამისი საგამოძიებო მოქმედებები. დაკავებულია ნარკოტიკული საშუალების გამსაღებელი 8 პირი.
სასამართლოს განჩინების საფუძველზე 5 კლუბი ერთი დღით დაილუქება, განჩინებაში აღნიშნულია, რომ კლუბების დალუქვის მოთხოვნით სასამართლოს პროკურორმა მიმართა. მისი მოთხოვნის თანახმად, სამართალდამცველებს ადგილზე საგამოძიებო მოქმედებების, მათ შორის ჩხრეკის ჩატარების უფლება ეძლევათ.