აზერბაიჯანის ტერიტორიაზე მომხდარი ავარიის დროს, გორის მესამე სკოლის მეთორმეტე კლასის 7 მოსწავლე და ავტობუსის მძღოლი დაშავდა.
ეს ინფორმაცია აქვთ გორის მე–3 საჯარო სკოლის მე–12 კლასელების ახლობლებს. გორის რესურსცენტრსა და მე–3 საჯარო სკოლის ადმინისტრაციში აცხადებენ, რომ ავტობუსის მგზავრებიდან სატელეფონო კავშირზე არავინაა, ამიტომ დეტალური ინფორმაციის მიღება რთულია.
მომხდარ ფაქტზე ინფორმაციას ფლობს შიდა ქართლის გუბერნატორიც. აკაკი მაჭუტაძე აცხადებს, რომ შემთხვევის შესახებ საქმის კურსშია, როგორც საქართველოს ჯანდაცვის სამინისტრო, ასევე, საქართველოს საელჩო აზრბაიჯანში და ყველაფერი კეთდება იმისთვის, რომ გორიდან ბაქოში ექსკურსიაზე წასული ჯგუფის წევრებს დროული და ეფექტური დახმარება აღმოუჩინონ და უზრუნველყოფილი იყოს საქართველოში მათი შეუფერხებლად და უსაფრთხოდ დაბრუნება.