თავდაცვის მინისტრს, თინა ხიდაშელს პოსტის დატოვების თემაზე საქართველოს პრემიერ-მინისტრთან არ უსაუბრია. ამის შესახებ ხიდაშელმა „ტვ პირველის“ ეთერში განაცხადა.
მისი განმარტებით, თანამდებობაზე ყოფნის შემთხვევაში, ის არჩევნებში პარტიული სიით, ან მაჟორიტარობის კანდიდატის სახით მონაწილეობას ვერ მიიღებს
“მე თუ მინისტრი ვარ, კენჭს ვერ ვიყრი, თუ მინისტრი არ ვარ, რა თქმა უნდა, არ ვაპირებ, რომ რუსეთს ჩავბარდე. ჩემთვის ეს არის ნამდვილად ბრძოლა საქართველოსთვის, იმ ტიპის საქართველოსთვის, სადაც წარმომიდგენია რომ ჩემი, თქვენი შვილები გაიზარდონ. პრემიერთან თანამდებობის დატოვებასთან დაკავშირებით არ გვისაუბრია. ჩვენ ეს გადაწყვეტილება უნდა მივიღოთ ერთად, მას შეუძლია მე გამათავისუფლოს, მაგრამ ამას არ ველოდები”,- განაცხადა თავდაცვის მინისტრმა.
კომენტარები