ჟურნალისტი დარეჯან ლიპარტელიანი სოციალურ ქსელში შემდეგი სახის პოსტს აქვეყნებს:
„დღეს ერთ ძალიან კარგ გოგოს, ახლობელს შევხვდი და როგორც ყველა, მათ შორის ისიც, გაოგნებული იყო არჩევნების შედეგებით… თვითონ ძალიან აპოლიტიკური პიროვნებაა, მაგრამ თქვა ასეთი რამ – ვერ ვიტან ბინძურ პოლიტიკოსებს და არც იმ ხალხს ვცემ პატივს, ვისაც პოლიტიკოსებზე აფანატებთო… ვეთანხმები სრულიად, მართალი თქვა, მაგრამ მაინც… მე პირადად, მადლიერების გრძნობა მუდამ მაქვს ხოლმე გამძაფრებული იმ ადამიანების მიმართ, ვინც გვერდით გაჭირვების დროს მედგა… და კიდევ, იმ ადამიანის მიმართ, ვინც რეალურად სიკვდილს გადამარჩინა და სიცოცხლის გაგრძელების სურვილი დამიბრუნა…
7 წელი უმუშევარი და უიმედო ცხოვრება, არაა ადვილი საქმე… ამ პერიოდში ვინც ჩემთან ურთიერთობდა, ყველაზე უკეთ იცის, როგორ გამანეიტრალა როგორც ჟურნალისტი და ასევე, მიხეილ სააკაშვილის სისხლიანმა რეჟიმმა, როგორც პიროვნება – გამანულა!
… არ მინდა ჩამოვთვალო ახლა, ბოროტების ის სრული სია, რაც მაგ ნაძირალამ და სისხლიანმა ვამპირმა, პირადად მე და ჩემს მთელს საახლობლო გარემოცვას გაგვიკეთა და დაგვმართა…
ეს ჩემს მიმართ ჩადენილი ბოროტება არაფერია იმ ტერორთან, რასაც ნაციონალური ხელისუფლება ათასობით ადამიანის წინააღმდეგ ახორციელებდა… ამიტომ, როცა მსგავსი უბედურება არ გაქვს გადატანილი მიშას რეჟიმის დროს, მაშინ ვერაფრით ვერ გაიგებ, რა ბოროტებაა ამ მოძალადე ადამიანების მხარდაჭერა და კიდევ მეტი დიდი უბედურებაა ქვეყნისთვის, ნაციონალების უკან დაბრუნებაზე, მიცემული თითოეული ხმა არჩევნებზე, ამის გაფიქრებაც კი, დიდი დანაშაულია ერის წინაშე…
არ დავიწყებ ახლა იმაზე ლაპარაკს, რომ ამ ყველაფერში, დიდი წვლილი „ქართული ოცნების“ იმ გაუმაძღარ ადამიანებს მიუძღვით, ვისაც პოლიტიკაში მოსვლა, მხოლოდ ფულის საშოვნელად უნდოდათ-თქო და სწორედაც, ფულის შოვნას რომ „ნაცებთან“ ერთად შეუდგნენ, ამიტომაც ვართ ახლა ამ დღეში…გაწბილებული, მოტყუებული, პატივაყრილი და იმ ჯოჯოხეთის და ბოროტების მომლოდინე, რასაც 9 წლის განმავლობაში, ძლივს რომ გადაურჩა ქართველი ერი!
არჩევნების შედეგების შემდეგ კი, მრჩება შთაბეჭდილება, რომ არ დაბრუნებულიყო ბიძინა ივანიშვილი მოულოდნელად, რა მოხდებოდა ამ შემთხვევაში?.. სავარაუდოდ, არსებობს საფუძვლიანი ეჭვი, რომ ის ჰალსტუხიანი ინტელიგენტი, თეთრი, ბულკივით ბიჭი, სინამდვილეში კი რაფინირებული თაღლითი, პრემიერ გიორგი კვირიკაშვილის შემთხვევაში, ვისაც არ უნდა ეყარა კენჭი საპრეზიდენტო არჩევნებში, მისი უნიათობისა და კორუმპირებულობის წყალობით, ხელისუფლება კატასტროფულად და სამარცხვინოდ დამარცხდებოდა და ნაციონალები ელვისებური სისწრაფით გადაიბარებდნენ ხელისუფლებას… ამ ლოგიკის სიმართლე, დღევანდელი არჩევნების შედეგებში მდგომარეობს. მაინც ვინ შეუშლიდა ხელს კვირიკაშვილს?.. არავინ!
ჰოდა, ჩემო კარგებო ადამიანებო, არც ფანატიკოსი ვარ და არც მაფანატებს არცერთ პოლიტიკოსზე, მაგრამ ხმამაღლა ვიტყვი სიმართლეს, მე პირადად და ჩემი ქვეყანა ბიძინა ივანიშვილმა ორჯერ უკვე გადაგვარჩინა და ახლა… ჩემი და ჩემი ქვეყნის ჯერია, ჩვენი თავი და ჩვენი მომავალი თავადვე უნდა გადავარჩინოთ… ყველამ უნდა მივიღოთ მონაწილეობა არჩევნებში და ხმა უნდა მივცეთ სტაბილურობას და მშვიდობას.. არ მივცეთ ხმა სისხლიან რეჟიმს, ძალადობას და ქვეყნის დესტაბილიზაციას.. არ დავაბრუნოთ ხელისუფლებაში ფაშიზმი და კაცთმოძულეობა… ყველა ჩვენგანმა გავაათმაგოთ ძალისხმევა და ვიფიქროთ ჩვენს ხვალინდელ დღესა და მომავალზე. ძალა ერთობაშია და ჩვენ ვერავინ მოგვერევა!“ –წერს დარეჯან ლიპარტელიანი.
http://www.reportiori.ge/inside.php?menuid=101&id=83688