პრეზიდენტს არანაირი უფლებამოსილება არ აქვს სასამართლოში რაიმე რეფორმები განახორციელოს, – ამის შესახებ „ქართული ოცნების“ გენერალურმა მდივანმა კახა კალაძემ განაცხადა.
კახა კალაძემ ოპოზიციის საპრეზიდენტო კანდიდატი აღნიშნული განცხადების გამო გააკრიტიკა.
„ვისმენთ ოპონენტის მხრიდან განცხადებებს, რომ გახდება პრეზიდენტი და პენსია იქნება 400 ლარი. ეს არის დიდი ტყუილი. მივმართავ მოსახლეობას, განსაკუთრებით იმ ადამიანებს, რომლებსაც უჭირთ – ეს არის ძალიან დიდი სიცრუე. ასევე, საუბარია იმაზე, რომ სასამართლო რეფორმას განახორციელებს, პრეზიდენტს არანაირი უფლებამოსილება არ აქვს სასამართლოში რაიმე რეფორმები განახორციელოს. არც პროკურატურასთან, არც ცენტრალურ ხელისუფლებასთან და არც თვითმმართველობასთან არანაირი უფლებამოსილება არ აქვს, რაიმე გარკვეული ნაბიჯები გადადგას ამ მიმართულებით“, – განაცხადა კალაძემ.