შინაგან საქმეთა სამინისტროს სასაზღვრო პოლიციის ვერტმფრენმა თუშეთის მიმართულებით ყოველკვირეული ფრენა განაახლა.
შინაგან საქმეთა სამინისტროს ცნობით, ვერტმფრენმა სოფელ ალვანიდან სოფელ ომალოში, განახლებული რეისით, პირველი მგზავრები უკვე გადაიყვანა.
„სასაზღვრო პოლიციის ვერტმფრენი თუშეთში, სოფელ ომალოში, საავტომობილო გზის ამოქმედებამდე, ადგილობრივი მოსახლეობის საჭიროებების უზრუნველსაყოფად, რეგულარულად, კვირაში ერთხელ იფრენს და მათ ტრანსპორტირებასა და ტვირთის გადაზიდვაში დაეხმარება”, – ნათქვამია ინფორმაციაში.
უწყების ინფორმაციით, დიდთოვლობის გამო, ომალოში საავტომობილო გზა ნახევარი წლის განმავლობაში ჩაკეტილია და სოფელში მოხვედრა მხოლოდ ვერტმფრენის დახმარებით არის შესაძლებელი.
კომენტარები