ყაზახეთის ქალაქ ალმა-ატის ცენტრში, პოლიციის განყოფილებასთან სროლა მოხდა. ამის შესახებ ყაზახური მედია იუწყება. გამოცემა „ინფორმბიუროს“ ინფორმაციით, დაჭრილია ორი ადამიანი. თვითმხილველებმა ავტომატით შეიარაღებული მამაკაცი დაინახეს, რომელსაც პოლიციის თანამშრომლები მისდევდნენ.
შეგახსენებთ, რომ ყაზახეთის ქალაქ აქტობეში 5 ივნისს შეიარაღებული პირები იარაღის მაღაზიას და სამხედრო ნაწილს თავს დაესხნენ. ორმხრივი სროლის შედეგად 7 ადამიანი დაიღუპა.
კომენტარები