თუ თურქეთში სიკვდილით დასჯა აღდგება, ის ევროკავშირში გაწევრიანების შანსს ავტომატურად დაკარგავს. ამის შესახებ გერმანიის მთავრობის ოფიციალურმა წარმომადგენელმა შტეფან ზაიბერტმა განაცხადა.
„ქვეყანა, სადაც სიკვდილით დასჯა მოქმედებს, ევროკავშირის წევრი ვერ იქნება“, – განაცხადა ზაიბერტმა.
მისი თქმით, თურქეთი ევროკავშირის ოფიციალური კანდიდატია და მას გარკვეული ვალდებულებები აქვს აღებული.
„ამ სტატუსის გამო თურქეთი დემოკრატიული და სამართლის ძირითადი პრინციპების ერთგული უნდა იყოს“, – აცხადებს შტეფან ზაიბერტი.
კომენტარები