ბათუმის უნივერსიტეტის სტუდენტებს წითელას ვაქცინაზე უარის შემთხვევაში შესაძლოა სტატუსი შეუჩერონ. ამის შესახებ უნივერსიტეტის მიერ გავრცელებულ განცხადებაშია ნათქვამი.
„სტუდენტები ვალდებულნი არიან ვაქცინის ჩატარების დამადასტურებელი სამედიცინო ცნობა წარმოადგინონ უმოკლეს ვადაში. აღნიშნული ვალდებულების შეუსრულებლობის შემთხვევაში ბსუ-ს ადმინისტრაცია განიხილავს ამ პირთათვის სტუდენტის სტატუსის შეჩერების საკითხს“, – ნათქვმია განცხადებაში.
ადმინისტრაცია სტუდენტებს ვაქცინის გაკეთებას უნივერსიტეტში სთავაზობს.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, საქართველოში ბოლო სამ კვირაში წითელას ვირუსით დაავადების 357 შემთხვევა დაფიქსირდა.
კომენტარები