„პოლიტიკური შეფასება და ისედაც ადამიანური, მორალური თვალსაზრისით არის სრულიად მიუღებელი, ამას ყველანი ერთად, მთელი საზოგადოება უნდა აღვუდგეთ წინ,“– ასე გამოეხმაურა ინფრასტრუქტურის მინისტრი, მაია ცქიტიშვილი დეპუტატ ეკა ბესელიას პირადი ცხოვრების კადრების სოციალურ ქსელში შესაძლო გავრცელებას.
ვიცე-პრემიერის თქმით, პირადი ცხოვრების ინფორმაციის გასაჯაროება დაუშვებელია და ამის წინააღმდეგ ყველა უნდა გაერთიანდეს.
„ეს დრო მე დარწმუნებული ვარ, დავასრულეთ. ვიცი რომ გუშინვე დაიწყო გამოძიება და უკვე გამოკითხვა მოხდა. დარწმუნებული ვარ, ძალოვანი ორგანოები სრულ ძალისხმევას ჩადებენ, რომ ეს პრობლემა იყოს აღმოფხვრილი,“– განაცხადა მაია ცქიტიშვილმა.
კომენტარები