დავით სერგეენკო – სოცმუშაკებთან დაკავშირებით სისტემური ცვლილებები იგეგმება

ჯანდაცვის მინისტრის, დავით სერგეენკოს ინფორმაციით, ჯანდაცვის სამინისტრო სოციალური პოლიტიკის მიმართულებით სისტემურ რეფორმებს დაიწყებს. მისივე თქმით, რეფორმა ორიენტირებული იქნება შედეგზე.
„როგორც სოციალურ პოლიტიკაში, ასევე, სოციალურ სამუშაოში, რომელსაც სოცმუშაკები ახორციელებენ, სისტემური ცვლილებები დიდი ხნის წინ არის დაგეგმილი. შარშან, წლის ბოლოს უკვე შემუშავდა სპეციალური სამოქმედო გეგმა, რომელიც არის პასუხი პარლამენტის მიერ მიღებულ კანონზე.
სანზონაში მომხდარი შემთხვევაც, რა თქმა უნდა, სისტემური პრობლემაა, ეს არის კონკრეტული შემთხვევა, თუმცა სისტემური რეფორმები იქნება, რაც მიმართულია უფრო მეტი შედეგისაკენ”,– განაცხადა სერგეენკომ.
შეგახსენებთ, რომ 4 წლის გოგონას გარდაცვალების საქმეზე, 4 სოცმუშაკი გაათავისუფლეს, სოციალური პროგრამების დეპარტამენტის უფროსმა კი თანამდებობა საკუთარი სურვილით დატოვა.