კახა კალაძე: დიდ დიღომში, ავთანდილის ქუჩაზე საცხოვრებელი კორპუსის რეაბილიტაცია დაიწყო

თბილისის მერის, კახა კალაძის ინფორმაციით, დიდ დიღომში, ავთანდილის ქუჩაზე, სადაც ერთ-ერთ საცხოვრებელ სახლში აფეთქება მოხდა, კორპუსის რეაბილიტაცია დაიწყო.
მისივე თქმით, ყველაფერი გაკეთდება იმისთვის, რომ მობინადრეები თავიანთ სახლებს მალე დაუბრუნდნენ. „ავთანდილის ქუჩაზე საცხოვრებელი კორპუსის რეაბილიტაცია დაწყებულია. ჩვენ ყველაფერს გავაკეთებთ, რომ ძალიან მალე ეს ადამიანები საკუთარ საცხოვრებელ სახლებს დაუბრუნდნენ. ყველა შესაბამისი სამუშაო ჩატარდება“, – განაცხადა კახა კალაძემ. შეგახსენებთ, რომ 16 იანვარს, დიდ დიღომში ავთანდილის ქუჩის N8-ში მდებარე საცხოვრებელ კორპუსში გაზის გაჟონვის გამო, აფეთქება მოხდა. მომხდარის გამო, დაიღუპა ოთხი ადამიანი, მათ შორის ერთი ბავშვი. ასევე დაშავდა რვა პირი, მათ შორის ექვსი ბავშვი. აფეთქების ფაქტზე „ყაზტრანსგაზის“ ორი თანამშრომელია დაკავებული.