ფრაქცია „ქართული ოცნების“ თავმჯდომარე მამუკა მდინარაძე აცხადებს, რომ მოსამართლეების შერჩევის საკითხთან დაკავშირებით უმრავლესობამ გარკვეულ შეთანხმებას მიაღწია. მისი განმარტებით, რამდენიმე დეტალის გარდა, მმართველი გუნდი პრინციპებზე უკვე შეთანხმდა.
„იყო საკითხები – თავად იუსტიციის უმაღლეს საბჭოში ნომინირების უფლება ვის უნდა ჰქონდეს: ეს უნდა იყოს იუსტიციის საბჭოს ერთი წევრი ან წევრთა ჯგუფი თუ თავად წარადგინოს კანდიდატმა საკუთარი თავი. ყველა შემთხვევაში პროცედურები დადგინდება და კრიტერიუმები გაცხადდება. ამის შემდეგ გაიმართება მსჯელობა იურიდიულ კომიტეტში და გავა სესიაზე ასარჩევად კანდიდატი. მთლიანობაში ჩვენ რამდენიმე დეტალის გარდა პრინციპებზე უკვე შევჯერდით“, – განაცხადა მამუკა მდინარაძემ.
კომენტარები