ანრი ოხანაშვილი იურიდიულ საკითხთა კომიტეტის თავმჯდომარედ ხმათა უმრავლესობით აირჩიეს.
კენჭისყრას, რომელიც რამდენიმე წუთის წინ დასრულდა, დეპუტატები ეკა ბესელია და ლევან გოგიჩაიშვილი არ დაესწრნენ.
ბესელიამ რამდენიმე დღის წინ განაცხადა, რომ იგი ანრი ოხანაშვილის კანდიდატურას მხარს არ დაუჭერდა.
მისი თქმით, მისთვის კომიტეტის თავმჯდომარედ ლევან გოგიჩაიშვილის კანდიდატურა იყო მისაღები.
ცნობისათვის, იურიდიული კომიტეტის თავმჯდომარის პოსტი ვაკანტური მას შემდეგ გახდა, რაც უმრავლესობაში მოსამართლეობის კანდიდატების სიასთან დაკავშირებით დიდი განხეთქილება დაიწყო და ეკა ბესელიამ თანამდებობა დატოვა.
კომენტარები