ძალიან მნიშვნელოვანია, შევინარჩუნოთ გუნდი ისე, როგორც არის, ასევე მნიშვნელოვანია, რის ფასად ვინარჩუნებთ ამ გუნდს, რომ ის ღირებულებები არ დაიკარგოს, რითაც თავის დროზე გავერთიანდით, – ამის შესახებ საქართველოს პარლამენტის აგრარული კომიტეტის თავმჯდომარემ ოთარ დანელიამ უმრავლესობის სხდომის დაწყებამდე ჟურნალისტებს განუცხადა.
„ჩემთვის ძალიან მნიშვნელოვანია თითოეული კოლეგა, რადგან ვფიქრობ, ყველაფერთან ერთად ერთმანეთს მაქსიმალური მხარდაჭერა უნდა გამოვუცხადოთ, ვინც არ უნდა იყოს ის. არ შეიძლება გუნდიდან წასვლაზე ან მოსვლაზე ვისაუბროთ ასე ხელაღებით და ემოციების გარეშე. ამიტომ, ჩემთვის ძალიან მნიშვნელოვანია, შევინარჩუნოთ გუნდი ისე, როგორც არის. ამასთან, მნიშვნელოვანია, რის ფასად ვინარჩუნებთ ამ გუნდს, რომ ის ღირებულებები არ დაიკარგოს, რითაც თავის დროზე გავერთიანდით“, – განაცხადა ოთარ დანელიამ.