პარლამენტის იურიდიულ საკითხთა კომიტეტის თავმჯდომარის პირველი მოადგილის, დავით მათიკაშვილის განცხადებით, „ქართული ოცნება“ ერთადერთი პოლიტიკური ძალაა, რომელმაც მაჟორიტარული სისტემის გაუქმების და პროპორციულ სისტემაზე გადასვლის თარიღი კონსტიტუციის დონეზე განსაზღვრა.
„ამას არ დაეთანხმნენ, აღნიშნული შეთავაზება სახელმწიფო საკონსტიტუციო კომისიაშიც იყო, მაგრამ კომისია დატოვეს, მუშაობაში მონაწილეობა არ მიიღეს და ამით თავიანთი პოზიცია გამოხატეს. ეს საკითხი კონსტიტუციურად დადგენილია, ვენეციის კომისიას დადებითი დასკვნა აქვს და პროექტი საერთაშორისო პარტნიორებმაც მოიწონეს. „ქართული ოცნება“ ერთადერთი ძალაა, რომელმაც შეძლო, კონსტიტუციაში კონკრეტული თარიღი ჩაეწერა, რაც ქვეყნისა და კონსტიტუციის გამარჯვებაა”, – განაცხადა მათიკაშვილმა.
კომენტარები