ზღვის უბანში, ნიშნიანიძის ქუჩაზე, N25-27 კორპუსებთან გზის რეაბილიტაცია დასრულდა – მოეწყო ბორდიური, ტროტუარი და 1 200 კვ.მ ფართობზე ასფალტის საფარი დაიგო.
ბოლო ეტაპის საგზაო სამუშაოებს ნაძალადევის რაიონის გამგებელი ირაკლი ხელაძე გაეცნო.
„აღნიშნული გზა 142-ე საჯარო სკოლის გვერდზე მდებარეობს, რომელსაც N25 და N27 კორპუსების მცხოვრებლების გარდა, ზღვის უბნის მე-3 მიკრორაიონის მე-3 და მე-4 კვარტლების მოსახლეობაც იყენებს. ამ ტერიტორიაზე საგზაო ინფრასტრუქტურა ძალიან დაზიანებული იყო. ადგილობრივი მცხოვრებლები და სკოლის მოსწავლეები ახლა უკვე კეთილმოწყობილი გზით ისარგებლებენ“, – განაცხადა ირაკლი ხელაძემ.
პროექტის ღირებულება 72 000 ლარს შეადგენს. სამუშაოები ნაძალადევის რაიონის გამგეობის დაფინანსებით განხორციელდა.
კომენტარები