დღეს, თბილისში ჰაერის ტემპერატურა +11 გრადუსამდე აიწევს. ხვალ კი უმეტესად, ღრუბლიანი ამინდი შენარჩუნდება, დროგამოშვებით მცირე ნალექი და ნისლია მოსალოდნელი. ჰაერის მაქსიმალური ტემპერატურა +7 გრადუსს მიაღწევს.
სინოპტიკოსების ინფორმაციით, უამინდობა საქართველოში მომდევნო დღეებშიც შენარჩუნდება. მათივე თქმით, საქართველოს ზოგიერთ რაიონში მოსალოდნელია მცირე ნალექი, მაღალ მთაში თოვლის სახით. დასავლეთ საქართველოს დაბლობში ჰაერის ტემპერატურა +9, +14 გრადუსი, მთაში +6, +11, მაღალ მთაში კი +4, +9 გრადუსი იქნება. აღმოსავლეთ საქართველოს ბარში +8, +13 გრადუსი, მთაში +7, +12 , მაღალ მთაში კი -2, +3 გრადუსის ფარგლებშია მოსალოდნელი.
რაც შეეხება მომდევნო დღეების პროგნოზს, ხვალ დასავლეთ საქართველოში უმეტესად, უნალექო ამინდია მოსალოდნელი, იქროლებს აღმოსავლეთის ქარი 10-15 მეტრი/წამში. ძლიერი ქარი იქროლებს ზემო იმერეთსა და კოლხეთის დაბლობზე ,20-25 მეტრი/წამში. დღის განმავლობაში ჰაერი შიდა რაიონებში +15, +20 გრადუსის ფარგლებში გათბება.
აღმოსავლეთ საქართველოში მოსალოდნელია მცირე თოვლჭყაპი და ნისლი, მაღალ მთაში ქარბუქი, იქროლებს აღმოსავლეთის ქარი 10-15 მ/წამში, გორი – სურამის მონაკვეთზე ძლიერი ქარია მოსალოდნელი. ჰაერის ტემპერატურა +6, +11 გრადუსის ფარგლებში იქნება.
სინოპტიკოსების პროგნოზით, 3 აპრილიდან საქართველოში შედარებით გამოიდარებს.
ამინდის გრძელვადიანი პროგნოზი
2019/03/30 13:16:54
კომენტარები
ნანახია: 3039 ჯერ