ჟურნალისტი ბონდო მძინარაშვილი სოციალურ ქსელში აქვეყნებს ნოდარ მგალობლიშვილისა და თენგიზ არჩვაძის ფოტოს და წერს:
“ეს არის კოლეგის და მეგობრის დიდი სიყვარულის და პატივისცემის სახალხოდ გამოხატვა – როცა ერთი წლით უმცროს კოლეგას ფეხზე დგომა არ შეუძლია და შენ ზემოდან კი არ დაჰყურებ, არამედ დაიჩოქებ, რომ მასთან საუბარი შეძლო.
რამდენ ჩვენგანს შეგვიძლია ასე მოქცევა?!
დღეს უკანასკნელ გზაზე გავაცილეთ დიდი ხელოვანი და დიდი ადამიანი – საქართელოს სახალხო არტისტი ნოდარ მგალობლიშვილი – წერს ბონდო მძინარაშვილი.
30 მარტს ნოდარ მგალობლიშვილი მახათას მთაზე, პანთეონში დაკრძალეს. მსახიობი უკანასკნელ გზაზე ახლობლებმა და კოლეგებმა გააცილეს.
ნოდარ მგალობლიშვილი, რომლის კარიერას არაერთი როლი უკავშირდება, 87 წლის ასაკში გარდაიცვალა.
ჯემალ კასრაძის ფოტო
კომენტარები