“ქართული ოცნება – ძლიერი საქართველოსთვის“ მიწის ჩამოშლის შედეგად გარდაცვლილთა ოჯახებს სამძიმარს უცხადებს

ფრაქცია „ქართული ოცნება – ძლიერი საქართველოსთვის“ 31 მარტს, ჭავჭავაძის გამზირზე მიწის ჩამოშლის შედეგად გარდაცვლილთა ოჯახებს სამძიმარს უცხადებს.
“საპარლამენტო ფრაქცია „ქართული ოცნება – ძლიერი საქართველოსთვის“ უსამძიმრებს 31 მარტს, ჭავჭავაძის გამზირის 5 ნომერში, სამშენებლო-გამაგრებითი სამუშაოების მიმდინარეობისას, მიწის ჩამოშლის შედეგად გარდაცვლილთა ოჯახებს.
ბოლო წლების მანძილზე, შრომის უსაფრთხოების ნორმების დარღვევის შედეგად გარდაცვლილთა მზარდი სტატისტიკა საგანგაშოა.
31 მარტს მომხდარი ტრაგედია კიდევ ერთხელ გვაჩვენებს, რომ სახელმწიფოს მხრიდან უნდა მოხდეს პასუხისმგებლობის აღება და ყველა იმ საკანონმდებლო ცვლილების გატარება, რომელიც უზრუნველყოფს შრომის უსაფრთხოებასა და სამშენებლო რეგულაციების გამკაცრებას. სახელმწიფო პოლიტიკა და სამართლებრივი ჩარჩო უნდა მოერგოს არა კონკრეტულ კერძო ინტერესებს, არამედ – საზოგადოების წინაშე მწვავედ არსებული პრობლემების მოგვარებასა და ყველაზე მნიშვნელოვანი ღირებულებების, სიცოცხლისა და ჯანმრთელობის დაცვას”, – აღნიშნულია სამძიმრის წერილში.