“ერთი კიტოვანის კომენტარი დამაკლდა… ყველას პატივისცემა მოვისმინე განდევნილი და მოკლული პირველი პრეზიდენტის მიმართ…”

31 მარტს ზვიად გამსახურდიას 80 წელი შეუსრულდებოდა. აღნიშნულს საქართველოს თავდაცვის ყოფილი მინისტრი თინათინ ხიდაშელი სოციალურ ქსელში ეხმიანება:

“შემაძრწუნებლად ცინიკური ქვეყანა… ერთი კიტოვანის კომენტარი დამაკლდა, სხვა მგონი ყველას პატივისცემა მოვისმინე განდევნილი და მოკლული პირველი პრეზიდენტის მიმართ… რამდენი გულშემატკივარი ყოლია, არადა ქალაქი და სახელმწიფო თავზე დაგვანგრიეს საბჭოურ, კომუნისტურ-ქურდული რევანშის გამო.” – წერს ხიდაშელი “ფეისბუქის” პირად გვერდზე.