თბილისის მერის კახა კალაძის განცხადებით ტაქსების რეფორმა არ არის ერთ-ერთი რეფორმა, რომელსაც მერია ახორციელებს, “ჩვენ მთლიანად ვაწესრიგებთ ქალაქში ტრანსპორტს, გვსურს მოვაწესრიგოთ საცობების პრობლემა”, – განაცხადა თბილისის მერმა კახა კალაძემ გადაცემა “პირისპირ”-ის ეთერში.
თბილისის მერის განმარტებით, სატრანსპორტო პოლიტიკაში ერთ-ერთი მიმართულება სწორედ ტაქსების კუთხით არსებული პრობლემის მოგვარებაა.
“ნებისმიერი თბილისელი იტყვის, რომ მას სურს ტაქსები მოწესრიგებული იყოს და მანქანას ყველაფერი წესრიგში ჰქონდეს – ტექდათვალიერება გავლილი, იყოს სუფთა. ვინც ამ სერვისს უწევს საზოგადოებას მათთვისაც მნიშვნელოვანია ამ რეფორმის განხორციელება, რადგან ბენეფიტებს მიიღებენ ტაქსის მძღოლები”, -განაცხადა კახა კალაძემ და განმარტა ის სარგებელი რაც A და B კატეგორიის მქონე ტაქსებს ექნებათ.
თბილისის მერის თქმით, მისთვის გაუგებარია რას აპროტესტებს ტაქსის მძღოლების ნაწილი. მისი თქმით, მათთან რამდენიმე შეხვედრა უკვე შედგა და ვიცემერი ირაკლი ხმალაძე შეხვდა:
“მეც ვაპირებ შეხვდე და კიდევ ავუხსნათ რატომ არი მნიშვნელოვანი ეს რეფორმა… ნებისმიერი რეფორმა რომელიც ხორციელდება გარკვეულწილად სოციალურ დისკომფორტს წარმოადგენს. ამ ადამიანებს ამ რეფორმის განხორციელება არცერთი ლარი არ უჯდებათ”, – განაცხადა თბილისის მერმა.