პრემიერის კონსულტანტად ახალგაზრდობის საკითხებში რეზო ჩარკვიანი დაინიშნა

საქართველოს პრემიერმინისტრის, მამუკა ბახტაძის კონსულტანტად ახალგაზრდობის საკითხებში რეზო ჩარკვიანი დაინიშნა. მან 2000 წელს ESM-თბილისი დაამთავრა. 1999 წელს, დაარსა სარეკლამო სააგენტო „სარკე“, რომელშიც 2009 წლის ბოლომდე იყო დირექტორი და სენიორ კონსულტანტი. 2010-13 წლებში, რამდენიმე კომპანიის მარკეტინგის დირექტორის პოზიციაზე მუშაობდა. 2012 წლიდან დღემდე, არის თავისუფალი უნივერსიტეტის ასოცირებული პროფესორი, ლექციებს კითხულობს ბიზნესსკოლა ESM-ის ბაკალავრიატის სტუდენტებთან მარკეტინგსა და სტრატეგიულ ბრენდინგში. არის სტრატეგიული ბრენდინგის სააგენტო „მილენიალ ჰაბის“ დირექტორი და სენიორ კონსულტანტი, ასევე – ორი სტარტაპის დამფუძნებელი – ესენია „ჟუჟუნა ღვინო“ და „ჯონ ვრაპი“. ამავე დროს, რეზო ჩარკვიანი არის ახალი თაობის, მილენიალების მენტორი და ქოუჩი სტარტაპსაქმიანობისა და კარიერული ზრდის მიმართულებით.