პენიტენციალური სამსახური ვანო მერაბიშვილის ადვოკატებს პასუხობს. თბილისის საქალაქო სასამართლოდან 2019 წლის 26 მარტს მათთან შევიდა კანონიერ ძალაში შესული გადაწყვეტილება ივანე მერაბიშვილის საკითხის პირობით ვადამდე გათავისუფლების საკითხის ხელახალი განხილვის თაობაზე.
უწყების განმარტებით, მის საფუძველზე პენიტენციური დაწესებულებიდან გამოთხოვის პროცესშია ყველა საჭირო დოკუმენტაცია ადგილობრივი საბჭოს მიერ ინფორმირებული გადაწყვეტილების მიღების მიზნით.
“საბჭო საკითხს განიხილავს უახლოეს სხდომაზე მიმდინარე თვის ბოლომდე. განხილვის კონკრეტული ვადა საბჭოს კანონით დადგენილი არ აქვს და ის მოქმედებს პრინციპით, რომ კანონიერ ძალაში შესული სასამართლო გადაწყვეტილებები აღასრულოს მოკლე ვადაში”- აცხადებენ უწყებაში.ცნობისთვის, ყოფილი პრემიერის ადვოკატები იუსტიციის სამინისტროს სასამართლო გადაწყვეტილების იგნორირებაში ადანაშაულებენ.
პენიტენციალური სამსახური ვანო მერაბიშვილის ადვოკატებს პასუხობს
2019/04/05 16:18:32
ნანახია: 505 ჯერ