დღეს ზეიმია სიყვარულისა და ყოველმა ჩვენგანმა სიხარული უნდა მიანიჭოს თავის ახლობლებს, – ამის შესახებ სრულიად საქართველოს კათოლიკოს-პატრიარქმა, ილია მეორემ სამების საკათედრო ტაძარში საზეიმო წირვის შემდეგ განაცხადა.
პატრიარქმა მრევლს ხარება მიულოცა და დღესასწაულის მნიშვნელობაზე ისაუბრა.
„ყველას გილოცავთ ხარების დღესასწაულს. ეს არის ისეთი დიდი დღესასწაული, ხალხი ამბობს, რომ ფრინველიც, ჩიტიც ბუდეს არ იკეთებს, ადიდებს ღმერთს. დღეს ზეიმია სიყვარულისა და ყოველმა ჩვენგანმა სიხარული უნდა მიანიჭოს თავის ახლობლებს. დალოცვილი და გახარებული გამყოფოთ ღმერთმა და ბედნიერი აღდგომა გაგითენოთ. დიდება უფალს და მადლობა უფალს. ღმერთმა დაგლოცოთ და გაგახაროთ, ღმერთმა დალოცოს და გაახაროს სრულიად საქართველო“, – აღნიშნა ილია მეორემ.
საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში, ხარების ბრწყინვალე დღესასწაულთან დაკავშირებით საზეიმო წირვის დასრულების შემდეგ სამღვდელოება დააჯილდოვა.
დეკანოზი თეიმურაზი ბერიშვილი დაჯილდოებულია მეორე ჯვრის ტარების უფლებით. აქსიოს!
დეკანოზი დიმიტრი ლეკვეიშვილი დაჯილდოებულია მეორე ჯვრის ტარების უფლებით. აქსიოს!
დეკანოზი იაკობი სირბილაძე დაჯილდოებულია მიტრის ტარების უფლებით. აქსიოს!
დეკანოზი აკაკი მეგრელიშვილი დაჯილდოებულია მიტრის ტარების უფლებით. აქსიოს!
დეკანოზი გიორგი სამსონიძე დაჯილდოებულია გამშვენებული ჯვრის ტარების უფლებით. აქსიოს!
დეკანოზი ბაქარი სოსელია დაჯილდოებულია გამშვენებული ჯვრის ტარების უფლებით. აქსიოს!
მღვდელმონოზონი მიქაელი (დოლიძე) აღყვანილია იღუმენის ხარისხში და დაჯილდოებულია ოქროს ჯვრის ტარების უფლებით. აქსიოს!
მღვდელი ალექსანდრე გიორგაძე დაჯილდოებულია ოქროს ჯვრით და აღყვანილია დეკანოზის ხარისხში. აქსიოს!
მღვდელი სერაფიმე კვინჩია დაჯილდოებულია ოქროს ჯვრით და აღყვანილია დეკანოზის ხარისხში. აქსიოს!
მღვდელი სვიმეონ კიკნაველიძე დაჯილდოებულია ოქროს ჯვრით და აღყვანილია დეკანოზის ხარისხში. აქსიოს!
მღვდელი მიქაელ არაბიძე დაჯილდოებულია ოქროს ჯვრით და აღყვანილია დეკანოზის ხარისხში. აქსიოს!
მღვდელი იოანე ჟივიძე დაჯილდოებულია ოქროს ჯვრით და აღყვანილია დეკანოზის ხარისხში. აქსიოს!
მღვდელი დავით ტატანაშვილი დაჯილდოებულია ოქროს ჯვრით და აღყვანილია დეკანოზის ხარისხში. აქსიოს!
მღვდელი დავით წულეისკირი დაჯილდოებულია ოქროს ჯვრით და აღყვანილია დეკანოზის ხარისხში. აქსიოს!
ღმერთმა დალოცოს საქართველოს საპატრიარქოსთან არსებულ დეკორატიული მებაღეობის საზოგადოებრივი კოლეჯი. ხოლო მისი ხელმძღვანელი, მონოზონი თეკლე (სიხარულიძე), აღყვანილია იღუმენიას ხარისხში. აქსიოს!
დიდება უფალს და მადლობა უფალს! ღმერთმა დაგლოცოთ, გაგახაროთ. ღმერთმა დალოცოს და გაახაროს სრულიად საქართველო.
ჩვენთან არს ღმერთი!