შსს-ს ინფორმაციით, ჟურნალისტი ზაზა დავითაია ადმინისტრაციული წესითაა დაკავებული.
როგორც „ინტერპრესნიუსს“ შსს-ში განუცხადეს, დავითაიას პოლიცია ადმინისტრაციულ სამართალდარღვევათა კოდექსის 166-ე და 173-ე მუხლებით გათვალისწინებული სამართალდარღვევის ჩადენას ედავება, რაც წვრილმან ხულიგნობას და პოლიციისთვის წინააღმდეგობის გაწევას გულისხმობს.
ზაზა დავითაია უზენაეს სასამართლოსთან დააკავეს, საიდანაც პარლამენტისკენ საპროტესტო მსვლელობა მოეწყო. მსვლელობის დაწყებამდე შალვა შავგულიძეს კითხვით “ასავალ-დასავალის” ჟურნალისტმა, ზაზა დავითაიამ მიმართა, რასაც მასა და აქციის მონაწილეს შორის შეხლა-შემოხლა მოჰყვა.
საპატრულო პოლიციის თანამშრომლებმა ზაზა დავითაია, საზოგადოებრივი წესრიგის დარღვევის გამო დააკავეს. თავად დავითაიას თქმით, მას კითხვის დასმა არ აცალეს.
წყარო: – “ინტერპრესნიუსი”