ნოტრ-დამის აღსადგენად საერთაშორისო ოლიმპიური კომიტეტი €500 ათასს გამოყოფს. ინფორმაციას France 24 ავრცელებს.
გამოცემის ინფორმაციით, ამის შესახებ ოლიმპიური კომიტეტის პრეზიდენტმა 2024 წლის ოლიმპიადის საორგანიზაციო კომიტეტის თავმჯდომარისთვის გაგზავნილ წერილში დაწერა.
„2024 წლის თამაშებისთვის რეკონსტრუქციის დასრულება დამატებითი მოტივაცია იქნება ჩვენთვის“, – წერს თომას ბახი.
პარიზის ღვთიმშობლის ტაძარში ხანძარი 15 აპრილს გაჩნდა. საფრანგეთის ხელისუფლება ნოტრ-დამის აღდგენას 5-წელიწადში გეგმავს.
16 აპრილს გახდა ცნობილი, რომ 24 საათზე ნაკლებ დროში ნოტრ-დამის აღსადგენად $680 მილიონზე მეტი შეგროვდა.
კომენტარები