აფეთქებების სერია შრი-ლანკაში – ამჯერად ავტომობილი კოლომბოს აეროპორტის მახლობლად აფეთქდა. სამართალდამცველებმა მსხვერპლის თავიდან აცილება შეძლეს. მათ საეჭვო ავტომობილი აფეთქებამდე აღმოაჩინეს და გზა გადაკეტეს.
დღესვე გავრცელდა ინფორმაცია, რომ შრი-ლანკაში ერთ-ერთი თვითმკვლელი ტერორისტი სამართალდამცველებს წარსულში დაკავებული ჰყავდათ. საუბარია ქვეყნის სანელებლების მაგნატის ერთ-ერთ შვილზე, რომელმაც სასტუმროში აიფეთქა თავი.
აღდგომის დღესასწაულზე მოწყობილ თავდასხმებში ბიზნესმენის ორი შვილი მონაწილეობდა. პოლიციამ მათი დახმარების ბრალდებით მამაც დააკავა. სულ ტერაქტებთან კავშირის ბრალდებით კი 70-ზე მეტი ეჭვმიტანილია დაკავებული.
კომენტარები