მოსკოვში 9 მაისს გამარჯვების დღისადმი მიძღვნილ ღონისძიებებს მსოფლიო ლიდერები არ დაესწრებიან. ამის შესახებ რუსულ მედიას კრემლის პრესმდივანმა დიმიტრი პესკოვმა განუცხადა.
მისივე თქმით, რუსეთს ღონისძიებაზე არცერთი უცხო ქვეყნის ლიდერი არ მიუწვევია. 2015 წელს წითელ მოედანზე გამარჯვების დღის 70-ე წლისთავი აღინიშნებოდა, რასაც მსოფლიოს სხვადასხვა ქვეყნის 30-მდე პირველი პირი ესწრებოდა, თუმცა უკრაინის კონფლიქტის გამო ევროკავშირის არც ერთი ქვეყნის ლიდერი მოსკოვში არ ჩასულა.
2016 წელს მოსკოვში ყაზახეთის პრეზიდენტი ნურსულთან ნაზარბაევი ჩავიდა, 2017 წელს – მოლდოვის პრეზიდენტი იგორ დოდონი, 2018 წელს კი სერბეთის პრეზიდენტი ალექსანდრ ვუჩიჩი და ისრაელის პრემიერ-მინისტრი ბენიამინ ნეთანიაჰუ.
კომენტარები