იაპონიის მონარქი ტახტიდან გადადგა. ცერემონია ტოკიოს სასახლეში გაიმართა. ქვეყნის იმპერატორმა აკიჰიტომ ყველა სიმბოლო მოიხსნა და სიტყვით გამოსვლისას საზოგადოებას მხარდაჭერისთვის მადლობა გადაუხადა.
85 წლის მონარქი ტახტზე 30 წელი იმყოფებოდა. გადადგომა კი ასაკისა და ჯანმრთელობის გაუარესების გამო გადაწყვიტა.
ტრადიციის თანახმად, იმპერატორის ტიტულს მხოლოდ შუაღამემდე შეინარჩუნებს, ხვალ დილიდან ტახტს უკვე მისი მემკვიდრე – პრინცი ნარუჰიტო, დაიკავებს.
ბოლო ორი საუკუნის განმავლობაში აკიჰიტო იაპონიის პირველი მონარქია, რომელმაც იმპერატორის ტახტი დათმო. მისი გადადგომით ქვეყანაში ჰეისეის სამეფო ერა დასრულდა და ახალი – რეივას ერა, დაიწყო.
კომენტარები