სამართალდამცავებმა საფრანგეთში, პარიზში, დემონსტრაციის დაწყებამდე 14 ადამიანი დააკავეს. აღნიშნულის შესახებ ტელეარხი BFMTV იუწყება.
მათი ცნობით, პოლიციამ 11 ადამიანი პარიზში, მეთოთხმეტე რაიონში დააკავა, ესპანეთის სამი მოქალაქე კი – მეათე რაიონში. დაკავებისას მათ აღმოაჩნდათ რამდენიმე ჩაქუჩი, სახრახნისი, დანა, შურდული, გაზის სამი ბალონი და ბენზინის ორი ავზი.
გასულ წელს პარიზში პირველი მაისის დემონსტრაციაში 140 ათასმა ადამიანმა მიიღო მონაწილება, მათ შორის – პროფკავშირის წევრებმა. პირველ მაისს პარიზში შრომის დღე აღინიშნება.
კომენტარები