აშშ-ის პრეზიდენტი დონალდ ტრამპი ირანს აფრთხილებს, თუ ორ ქვეყანს შორის კონფლიქტი დაიწყება, თეირანი განადგურდება.
“თუ ირანს სურს ბრძოლა, ეს ირანის ოფიციალური დასასრული იქნება. აღარასდროს დააშინოთ ამერიკის შეერთებული შტატები”, – დაწერა ტრამპმა “ტვიტერის” საკუთარ გვერდზე.
შეგახსენებთ, ბოლო რამდენიმე კვირაა ირანსა და აშშ-ის შორის ვითარება განსაკუთრებით დაძაბულია. ვაშინგტონმა ახლო აღმოსავლეთის რეგიონში დამატებითი სამხედრო თვითმფრინავები გაგზავნა.
გასულ კვირას დასმულ კითხვაზე, აპირებს თუ არა აშშ ომის დაწყებას, თეთრი სახლის ლიდერმა განაცხადა, რომ იმედოვნებს, რომ ეს ასე არ მოხდება. ირანის საგარეო საქმეთა მინისტრმა კი აღნიშნა, რომ ირანს არ სურს ომი.
კომენტარები