მესმის დავები და კრიტიკები, აი, სააკაშვილი არ გვითანხმებს განცხადებებს, თქვენ თუ მითანხმებთ, ჩემო მეგობრებო, განცხადებებს?! – ამის შესახებ საქართველის ექს-პრეზიდენტმა მიხეილ სააკაშვილმა თვითმფრინავში ჩაწერილ ვიდეომიმართვაში განაცხადა, რომელიც „ფეისბუქის“ საკუთარ გვერდზე გაავრცელა.
“მოდი, წინ ვიაროთ და ვინც პირველი მივა მიზანთან, ის იქნება გამარჯვებული. თქვენ თუ მიხვალთ, მხოლოდ გამიხარდება, მაგრამ ადგილზე დგომა, ხელების ჩამოშვება და ჯიჯგვნა საერთოდ არ არის ვარიანტი. უნდა წავიდეთ მხოლოდ წინ და გავიდეთ წინ. დააკვირდით, როგორი პროპაგანდა მიდის ჩემს წინააღმდეგ. გამოხტა ეს უდღეური ღარიბაშვილი და რაღაცას ლაპარაკობს ჩემ გადამალულ მილიონებზე. უკაცრავად, გადამალული რომ მქონდეს მილიონები, მუდმივად ეკონომკლასში კი არ ვიჯდებოდი და 60-დოლარიან სასტუმროებში ხომ არ ვიცხოვრებდი? მაზოხისტი კი არ ვარ. ხალხი ხვდება, რაზეც ვლაპარაკობ. ეს მართლა ქურდებისა და მძარცველების კორპორაცია, რომელმაც დედა უტირა და კიდე რა დღეში არიან. დასრულდება მაგათი მმართველობა ძალიან მალე. ხალხი არის ძალიან გაბრაზებული.
გუშინაც შევხვდი აქ, ვარშავაში ჯგუფს ქუთაისიდან და ძალიან სერიოზულ ხალხს. თქვეს, ერთი დაგვიძახეთ და ყველანი გამომსვლელები ვართო. ეს დაძახებაც მოხდება მალე. ზაფხულში სანდრას სიარულის პარალელურად ვაკეთებთ ამ სკოლას. თბილისში ლევან ხაბეიშვილს აქვს ძალიან მაგარი ინიციატივები. რეგიონებში არის საინტერესო ინიციატივები. ბევრი საინტერესო ახალგაზრდა გამოჩნდა. ახლა საჭიროა მობილიზაციისა და მოქმედების დრო და ასეც იქნება”,-განაცხადა სააკაშვილმა.
შეგახსენებთ, რომ ” ნაციონალური მოძრაობის” ერთ-ერთმა ნიკა მელიამ ტელეკომპანია “პირველის “გადაცემაში “რეაქცია” განაცხადა, რომ “მნიშვნელოვან გადაწყვეტილებებთან დაკავშირებით ნაჩქარევი განცხადებები არ უნდა გავაკეთოთ”. მან ნაციონალური მოძრაობის ლიდერებთან დაპირისპირება უარყო და აღნიშნა, რომ მხოლოდ “მიდგომებშია სხვაობა”.