საქართველოს ექსპრეზიდენტი და ოდესის ყოფილი გუბერნატორი, მიხეილ სააკაშვილი უკრაინის მერის, ვიტალი კლიჩკოს შეთავაზებასთან დაკავშირებით მხარდამჭრებთან კონსულტაციებს გადის. ამის შესახებ მან Facebook-ის საკუთარ გვერდზე გავრცელებულ ვიდეომიმართვაში განაცხადა.
„ვიტალი კლიჩკომ დახმარების ხელი გამოგვიწოდა და ღირსეული შეთავაზებით მოგვმართა, მაგრამ მე ყველაფერს ღიად გავაკეთებ, მას შემდეგ, რაც თქვენი აზრი მეცოდინება. ჩვენ ან კლიჩკოს პარტიასთან ერთად უნდა წავიდეთ არჩევნებზე, ან უარი ვუთხრათ და არჩევნების მიღმა დარჩენის რისკის წინაშე აღმოვჩნდეთ. მოდით, ოპერატიულად გადავწყვიტოთ“, – მიმართა სააკაშვილმა საკუთარ მხარდამჭერებს.
კიევის მერმა, ვიტალი კლიჩკომ კიევში რამდენიმე დღის წინ დაბრუნებულ მიხეილ სააკაშვილს თავისი პარტიის თავმჯდომარეობა შესთავაზა. კლიჩკოს თქმით, პარტია უკრაინის ვადამდელ საპარლამენტო არჩევნებში მიიღებს მონაწილეობას.