ჩრდილოეთ კორეის ლიდერის კიმ ჩენ ინის ნახევარძმა, რომელიც მალაიზიაში მოკლეს, აშშ-ის ცენტრალური სადაზვერვო სააგენტოს (CIA) ინფორმატორი იყო. ამის შესახებ Wall Street Journal-ი წერს.
გამოცემის წყაროს ცნობით, კიმ ჩენ ნამი მალაიზიაში CIA-ს საკონტაქტო პირს უნდა შეხვედროდა. WSJ-ი ასევე არ გამორიცხავს, რომ კიმ ჩენ ინის ნახევარძმა შეიძლება სხვა ქვეყნების დაზვერვასთანაც თანამშრომლობდა.
კიმ ჩენ ინის ძმა კუალა-ლუმპურის აეროპორტში 13 თებერვალს მოკლეს. მკვლელობის შემდეგ მალაიზიის ხელისუფლებამ უსაფრთხოების ზომებიდან გამომდინარე ჩრდილოეთ კორეის მოქალაქეებისთვის უვიზო რეჟიმი გააუქმა.
ამერიკის ხელისუფლებამ დაადგინა, რომ კიმ ჩენ ნამი მომწამვლელი ნივთიერება VX-ით მოკლეს, რომელიც ქიმიურ იარაღში გამოიყენება.
იმედინიუსი
კომენტარები