ახალ ზელანდიაში 51 ადამიანის მკვლელობაში ბრალდებული ბრენტონ ტარანტი ამბობს, რომ უდანაშაულოა. ამის შესახებ BBC წერს.
ახალი ზელანდიის პოლიციამ ტერორიზმის მუხლით ბრალი წარუდგინა ბრენტონ ტარანტს, რომელიც ქალაქ ქრაისტჩარჩში ორ მეჩეთზე თავდასხმაშია ეჭვმიტანილი. სროლისას 51 ადამიანი დაიღუპა, 40 კი დაშავდა.
ახალი ზელანდიის კანონის მიხედვით, ტერორიზმი სამუდამო პატიმრობით ისჯება.
15 მარტს ქალაქ ქრაისტჩარჩში, ორ მეჩეთზე თავდასხმის შედეგად 51 ადამიანი დაიღუპა, კიდევ 40 კი დაიჭრა. ტერაქტის გამო ახალი ზელანდიის მთავრობამ იარაღის ბრუნვაზე კანონის გამკაცრებას მხარი დაუჭირა.
კომენტარები