უბედური შემთხვევა ნევადაში – მატარებელმა, რომელსაც ასაფეთქებელი ნივთიერებები და საბრძოლო მასალა გადაჰქონდა, ავარია განიცადა. ლიანდაგიდან შემადგენლობის 22 ვაგონი გადავიდა. შედეგად რკინიგზის მიმდებარე ტერიტორიაზე საწვავი და მცენარეული ზეთი დაიღვარა. უსაფრთხოების დაცვის მიზნით გადაიკეტა შტატის ერთ-ერთი მთავარი გზატკეცილი.
სამაშველო სამსახურების ინფორმაციით, ვაგონები, რომლებსაც საბრძოლო მასალა გადაჰქონდათ, არ დაზიანებულა. მაშველებს ტერიტორია რამდენიმე საათის განმავლობაში ჰქონდათ ბლოკირებული.
შემთხვევის შედეგად არავინ დაშავებულა.
კომენტარები