ირანი აცხადებს, რომ შეერთებული შტატების კუთვნილი უპილოტო საფრენი აპარატი ჩამოაგდო. სამთავრობო მედიის ინფორმაციით, “ირანის რევოლუციურმა არმიამ” საფრენი აპარატი ქვეყნის საჰაერო სივრცის დარღვევის გამო გაანადგურა.
ინფორმაციას ამის შესახებ არ ადასტურებს ამერიკის სარდლობა. ვაშინგტონში აცხადებენ, რომ ამ ეტაპზე ირანის თავზე ამერიკული დრონები არ არის. ირანთან დაპირისპირების ფონზე შეერთებული შტატები ახლო აღმოსავლეთში დამატებით შეიარაღებას აგზავნის.
პენტაგონის ცნობით, რეგიონში სარაკეტო კომპლექს „პეტრიოტის“ სისტემებსა და სადაზვერვო დრონები განთავსდება.
თავდაცვის უწყების პრესსპიკერის განცხადებით, ვაშინგტონი თეირანთან კონფლიქტისკენ არ ისწრაფვის, თუმცა მზად არის, რეგიონში თავისი ინტერესები დაიცვას.
კომენტარები