უკრაინის ცენტრალურმა საარჩევნო კომისიამ საქართველოს ექსპრეზიდენტის პარტიის „ახალ ძალების გაერთიანება“ კანინდატებს არჩევნებზე რეგისტრაციაზე უარი უთხრა.
უკრაინული მედია ქვეყნის ცესკოზე დაყრდნობით იუწყება, რომ უკრაინის პრეზიდენტმა არჩევნები 21 მაისის ბრძანებით დანიშნა და პარტიის პოლიტსაბჭო არჩევნებთან დაკავშირებულ საკითხებს 8 მაისის სხდომაზე ვერ განიხილავდა.
ცესკოსვე ცნობით, 10 ივნისს პარტიის რიგგარეშე ყრილობა წესდების დარღვევით ჩატარდა.
კომისიის გადაწყვეტილებისა და პარტიის ყრილობის ოქმის ასლებს პოლიციაში გაგზავნიან, რომ აუცილებლობის შემთხვევაში, კანონის მიხედვით მოხდეს რეაგირება.
საქართველოს ყოფილმა პრეზიდენტმა, ოდესის ოლქის ყოფილმა გუბერნატორმა მიხეილ სააკაშვილმა უკრაინის უმაღლესი რადის არჩევნებზე საკუთარი პარტიის „ახალი ძალების მოძრაობის“ საარჩევნო სიის პირველი ხუთეული 13 ივნისს წარადგინა.
იმედინიუსი