აშშ-ის პრეზიდენტი დონალდ ტრამპი კიდევ ერთხელ გამოეხმაურა ჟურნალისტ ელისაბედ ჟან კეროლის ბრალდებებს, რომელიც თეთრი სახლის ლიდერს გაუპატიურებაში ადანაშაულებს.
„სრული პატივისცემით ვიტყვი: ჯერ ერთი, ის ჩემს გემოვნებაში არ ჯდება. და მეორე – ეს არასოდეს მომხდარა. ეს სრული სიცრუეა. მე მის შესახებ საერთოდ არაფერი ვიცი, ამ ქალს არ ვიცნობ. საშინელებაა, რომ ადამიანებს ასეთი განცხადებების გაკეთება შეუძლია“, – განაცხადა ტრამპმა გამოცემა The Hill-თან ინტერვიუში.
ამერიკელი მწერალისა და ჟურნალისტის ელისაბედ ჟან კეროლის განცხადებით, ძალადობა 90-იან წლებში გასახდელ ოთახში მოხდა. თეთრი სახლის ლიდერი ამ ბრალდებას უარყოფს და ამბობს, რომ ეს ისტორია ქალმა თავისი ახალი წიგნის გაყიდვების გაზრდის მიზნით მოიგონა.
კომენტარები