Facebook-ის ოფისიდან ევაკუაცია მას შემდეგ განხორციელდა, რაც წერილების დამხარისხებელმა მანქანამ ოფისის ადმინისტრაცია შესაძლო მომწამვლელი ნივთიერების შესახებ გააფრთხილა. ამის შესახებ Cnet-ი წერს.
გამოცემის ინფორმაციით, საქმის გამოძიებაში ფედერალური ბიურო (FBI) ჩაერთო. განგაშის სიგნალის ჩართვის დროს შემთხვევის ადგილზე რამდენიმე ადამიანი იმყოფებოდა.
„უსაფრთხოების მიზნებიდან გამომდინარე გავიყვანეთ ადამიანები ჩვენი ოთხივე შენობიდან. გვინდა გამომძიებლებს ადგილზე მუშაობის საშუალება მივცეთ“, – განაცხადა Facebook-ის სპიკერმა.
Facebook-ში განგაშის სიგნალი 2018 წლის დეკემბერშიც ჩაირთო. მაშინ ადმინისტრაცია ანონიმურმა წყარომ ბომბის საფრთის შესახებ გააფრთხილა, რაც მოგვიანებით ცრუ განგაში აღმოჩნდა.
ცნობისთვის, 2018 წლის აპრილში YouTube-ის ცენტრალურ ოფისში ქალმა სამ ადამიანს ესროლა და მოკლა. გაირკვა, რომ მომხმარებელი პლატფორმაზე განაწყენებული იყო.