თბილისის მერი, კახა კალაძე პრობლემას ვერ ხედავს იმ ფაქტში, რომ ვიღაცას, თუნდაც მმართველი გუნდიდან, ბიზნესი ჰქონდეს რუსეთში. როგორც მან განაცხადა, ყველასთვის ცნობილია ის ფაქტი, რომელი წლებიდან ახორციელებენ რუსული კომპანიები სხვადასხვა მიმართულებით თავიანთ საქმიანობას საქართველოში.
“თუ ვიღაცას ბინა აქვს რუსეთში, ეს დანაშაულია ? მე ამაში პრობლემას ვერ ვხედავ. საერთოდ, რა გვიკვირს, როდესაც მსხვილი რუსული კომპანიები, მაგალითად, ენერგეტიკის სფეროში, დღეს არიან საქართველოში და სხვადასხვა მიმართულებით აწარმოებენ თავიანთ საქმიანობას. ხომ ვიცით, როდის მოხდა ეს, რომელ წლებში განხორციელდა. ასე რომ, თუ ვიღაცას საცხოვრებელი სახლი აქვს მოსკოვში, ეს პრობლემას არ წარმოადგენს. ვერ ვხედავ ვერც რუსეთში ბიზნესის განხორციელების და ვერც საქართველოში რუსი ინვესტორების საქმიანობის პრობლემას”, – განაცხადა კახა კალაძემ.
კახა კალაძე – თუ ვიღაცას ბინა აქვს რუსეთში, ეს დანაშაულია?
2019/07/05 16:47:32
ნანახია: 443 ჯერ