დავით მათიკაშვილი – ყველამ სამართლისა და კანონის წინაშე უნდა აგოს პასუხი

მმართველი გუნდის ერთერთი ლიდერის, პარლამენტარ დავით მათიკაშვილის შეფასებით, კანონის წინაშე ყველამ თანასწორად უნდა აგოს პასუხი, განურჩევლად იმისა, პოლიტიკოსია თუ არა.
აღნიშნული შეფასება დეპუტატმა ჟურნალისტებთან 20-21 ივნისს აქციაზე განვითარებულ მოვლენებზე საუბრისას გააკეთა.
„განურჩევლად იმისა, ადამიანი  პოლიტიკოსია თუ არ არის პოლიტიკოსი – თუ პოლიტიკოსია კიდევ უფრო მეტი პასუხისმგებლობა მოეთხოვება მას – კანონის და სამართლის წინაშე ყველა აბსოლიტურად თანასწორი უნდა იყოს და პასუხს აგებდეს ერთნაირად. ყველა ადამიანი, ჩვენი ქვეყნის ყველა მოქალაქე თუ არამოქალაქე, რომელიც სახელმწიფოს დამხობას, კონსტიტუციური წყობილებისა და წესრიგის დარღვევას, პარლამენტში შეჭრას, ძალადობას, პოლიციელების გატაცებას, ცემასა და შემდგომ უკვე ამ ყველაფრით გამოწვეული არაერთი დაზიანებით თავს დაამახსოვრებს საზოგადოებას. ყველამ სამართლისა და კანონის წინაშე უნდა აგოს პასუხი. ლაპარაკი არ არის კონკრეტულად რომელიმე პირზე”, – განაცხადა დავით მათიკაშვილმა.