პრინც არჩის ნათლობა უინძორების სასახლეში გაიმართა. ცერემონიის დღისადმი მიძღვნილი ფოტო Instagram-ზე გავრცელდა.
სასექსის ჰერცოგისა და ჰერცოგინიას გადაწყვეტილებით, პრინც არჩის ნათლობის ცერემონია დახურული იყო.
მეგან მარკლმა და პრინცმა ჰარიმ ცერემონიის სატელევიზიო გაშუქებაზე უარი თქვეს, ფოტოებს კი მათი ქორწილის ფოტოგრაფმა გადაიღო. ნათლობის ცერემონიას მხოლოდ ოჯახის ახლობლები დაესწრნენ. მათ შორის უელსის პრინცი ჩარლზი, კემბრიჯის ჰერცოგი და ჰერცოგინია უილიამი და კეიტ მიდლტონი.
ეკლესიაში არ იყო დედოფალი ელისაბედ მეორე.
პრინც ჰარისა და მეგან მარკლის შვილი ლეგენდარულმა ამერიკელმა ჩოგბურთელმა სერენა უილიამსმა მონათლა.
მეორე ნათლია კი მეგან მარკლის მეგობარი, სტილისტ ჯესიკა მალრუნი იყო. ნათლიებს შორის ასევე არიან ჰარის მეგობრები მარკ დაიერი და მარკუს ანდერსონი.
პრინცმა ჰარიმ და მეგან მარკლმა პირველ შვილს სახელად არჩი დაარქვეს. ახალშობილის სრული სახელია არჩი ჰარისონ მაუნტბატენ-უინძორი.
პრინც ჰარის მეუღლემ მეგან მარკლმა ლონდონში პორტლენდის საავადმყოფოში იმშობიარა. წყვილს ვაჟი 6 მაისს შეეძინა. სასექსის ჰერცოგმა და ჰერცოგინიამ არჩი საზოგადოებას 8 მაისს გააცნეს.
იმედინიუსი