ტურიზმის ეროვნული ადმინისტრაციის ორგანიზებით, ლეჩხუმში პრეს-ტური გაიმართა. ტურიზმის ეროვნული ადმინისტრაციის ცნობით, პროექტ „გაიცანი საქართველოს“ ფარგლებში სხვადასხვა მედიასაშუალებების 30-მდე წარმომადგენელმა რაჩხასა და ღვირიშის ჩანჩქერი, მწვანე ტბა და მურისციხე დაათვალიერეს.
ჟურნალისტებმა, ფოტოგრაფებმა და ოპერატორებმა სოფელი ოყურეშიც მოინახულეს, სადაც საოჯახო მარანში უსახელაურის ღვინის დეგუსტაცია გაიმართა.
„გაიცანი საქართველოს პროექტით ვცდილობთ საქართველოს მოქალაქეებს ვაჩვენოთ თუ რა ლამაზი და საინტერესო ქვეყანა გვაქვს. ამ ტურის მიზანი იყო, რომ ისეთი უცნობი მიმართულება, როგორიც არის ლეჩხუმი გავხადოთ უფრო პოპულარული და უფრო მეტმა ჩვენმა თანამოქალაქემ დაგეგმოს მოგზაურობა ამ მშვენიერ მხარეში“, – განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.