“პატრიოტთა ალიანსს” დავით ქარცივაძე შეუერთდა

“პატრიოტთა ალიანსის” აჭარის შტაბის ხელმძღვანელის, ირაკლი ბარამიძის განცხადებით, დავით ქარცივაძე მათ რიგებს შეუერთდა. “პარტია „ქართული ოცნება“ დატოვა ბათუმის ორგანიზაციის ერთ-ერთმა დამფუძენებლმა, პარტიის აქტივისტმა, 2013-2014 წლებში საარჩევნო ადმინისტრაციის ხელმძღვანელმა დავით ქარცივაძემ. იგი „პატრიოტთა ალიანსში“ გადავიდა, სადაც აჭარის შტაბის უფროსობა ჩაიბარა და სავარაუდოდ, უმაღლესი საბჭოს სიაშიც მოხვდება. არჩევანს იმით ხსნის, რომ სწორედ „პატრიოტთა ალიანსმა“ მიაწოდა 2012 წელს კოალიცია ქართულ ოცნებას ისეთი კადრები, რამაც არჩევნებში გამარჯვება განაპირობა. ამბობს, რომ კიდევ რამდენიმე მიზეზი არსებობდა. მათ შორის-შეუსრულებელი დაპირებები და პარტია “ქართულ ოცნებაში” მათი გაწევრიანება, ვინც სწორედ პარტიის წინააღმდეგ მოქმედებდა. დავით ქარცივაძე არჩევნებზე მთავარ კონკურენტად მმართველ გუნდს ასახელებს. მისი ინფორმაციით, „პარიოტთა ალიანისის“ პარტიული სიები და პროგრამა უახლოეს დღეებში გასაჯაროვდება. პროგრამაში აქცენტი პროფესიონალი კადრების მოზიდვაზე, სამართლიანობის აღდგენაზე, საკანონმდებლო ხარვეზების გამოსწორებაზე და საპენსიო ასაკის დაწევაზე გაკეთდება”-წერს ბარამიძე.