საპარლამენტო ფრაქცია „ქართული ოცნების“ თავმჯდომარე გია ვოლსკი აცხადებს, რომ თუკი სამტრედიაში მომხდარ თვითმკვლელობაში პოლიციის თანამშრომლის დანაშაული დადასტურდება, იგი კანონის მთელი სიმკაცრით უნდა დაისაჯოს.
“ადამიანს მოკლავ, თუ თვითმკვლელობამდე მიიყვან, ეს ნიშნავს, რომ მოკალი მთელი სამყარო, მიაყენე უდიდესი ტკივილი მის ოჯახს, საზოგადოებას და პოლიტიკური დარტყმა განახორციელე საქართველოზე, მის იმიჯზე. აქედან გამომდინარე, თუ დადასტურდა, რომ ეს ადამიანი არის ამაში დამნაშავე, ვფიქრობ, უნდა დაისაჯოს კანონის მთელი სიმკაცრით“, – აღნიშნა ვოლსკიმ.
კომენტარები
