აშშ-ის წარმომადგენელთა პალატის 114-ე სესიის ფარგლებში, საქართველოს თაობაზე მხარდამჭერი განცხადება გააკეთა აშშ-ის კონგრესში საქართველოს მეგობართა ჯგუფის თავმჯდომარემ, კონგრესმენმა ტედ პომ.
„საქართველო არის პატარა და ახალგაზრდა დემოკრატიული ქვეყანა ისეთ რეგიონში, რომელიც უფრო ავტორიტარული მმართველობით არის ცნობილი, ვიდრე თავისუფლებით. 1918 წელს საქართველომ გამოაცხადა დამოუკიდებლობა, თუმცა ოთხი წლის შემდეგ საბჭოთა დათვი შეიჭრა მის ტერიტორიაზე და საქართველო საბჭოთა რესპუბლიკად გამოაცხადა. თუმცა, ქართველი ხალხის სიმტკიცემ კიდევ ერთხელ იჩინა თავი 1991 წელს საბჭოთა კავშირის დაშლის შემდეგ, როცა საქართველომ რუსეთისგან დამოუკიდებლობა გამოაცხადა. ბოლო 25 წლის განმავლობაში საქართველო იქცა ყველაზე თავისუფალ ქვეყანად რეგიონში და დღეს კონტრასტს ქმნის მის ჩრდილოეთით პუტინის დიქტატურასთან. მიუხედავად ამისა, რუსეთს უარი არ უთქვამს თავის ამბიციებზე საქართველოზე კონტროლის მოპოვებასთან დაკავშირებით. 2008 წელს, როცა რუსულმა ჯარმა განახორციელა საქართველოს ტერიტორიების მესამედის ოკუპაცია, მე საქართველოში ვიყავი. მე ვუყურებდი გორაკებზე აგორებულ რუსულ ტანკებს და მერწმუნეთ, ბატონო თავმჯდომარევ, რუსეთს არ მოსწონს საქართველოს სწრაფვა დემოკრატიისა და თავისუფლებისკენ“, – განაცხადა კონგრესმენმა.