პაატა ბურჭულაძე: ვაშაძე-ჯაფარიძე-კაციტაძის ბლოკთან შეხების ძალიან ბევრი საერთო წერტილი გვაქვს

შეხების ძალიან ბევრი წერტილი გვაქვს, ეს არის ყველაზე სასიამოვნო, – ამის შესახებ პარტია “სახელმწიფო ხალხისთვის“ ლიდერმა პაატა ბურჭულაძემ, „გირჩის“, გიორგი ვაშაძის „ახალი საქართველოსა“ და „ახალი მემარჯვენეების“ ბლოკთან შეხვედრის შემდეგ განაცხადა.
გაერთიანდება თუ არა პაატა ბურჭულაძის პარტია „სახელმწიფო ხალხისთვის“ „ახალი მემარჯვენეების“, „ახალი საქართველოს“ და „გირჩის“ ბლოკთან, დღეს საღამოს გახდება ცნობილი.
„ჩვენ გვქონდა გაცნობითი ხასიათის შეხვედრა. ძალიან საინტერესო შეხვედრა იყო. ერთმანეთს გავუზიარეთ ჩვენი აზრები და ახლა შიდაკონსულტაციები გაგრძელდება ჩვენს პარტიაში. შეხების ძალიან ბევრი წერტილი გვაქვს, ეს არის ყველაზე სასიამოვნო, მოვნახეთ ბევრი საერთო წერტილი, რითაც შეიძლება ჩვენს ქვეყანას ეშველოს“, – განაცხადა პაატა ბურჭულაძემ.
პაატა ბურჭულაძე და მისი პარტიის წერვები გიორგი ვაშაძეს, ზურაბ ჯაფარიძეს და მამუკა კაციტაძეს პარტიის ოფისში შეხვდნენ. საარჩევნო ბლოკმა – „ვაშაძე, ჯაფარიძე- ახალი არჩევანი“ პაატა ბურჭულაძის მოძრაობას გაერთიანება გუშინ შესთავაზეს.